Nanghasi na ang kusog nga hangin, uwan, ug balod sa Northern Luzon, particular na sa Brgy. Balatubat, Camiguin Island, ug Cagayan gumikan ni Super Typhoon Nando samtang ang mata niini mipaingon sa Babuyan Islands.
Nakasinati na usab og mga power interruption ug zero visibility ang northeastern municipalities sa Cagayan.
Nipasidaan na usab ang mga otoridad nga duol sa apektadong lugar nga mangandam, magpabiling alerto, ug mosunod sa mga abiso sa ilang mga local nga pamahalaan ug sa mga eksperto.
Subay niini, gimandoan na sa Department of Social Welfare and Development (DSWD) Disaster Response Management Bureau (DRMB) ang tanan nga mga katugbang niini, sama sa Disaster Response Management Divisions (DRMDs), tanang Field Offices sa ahensiya sa tibuok nasud sa pagpaaktibo ug pagpalig-on sa nagkalain-laing disaster response protocols samtang ang Super Typhoon Nando (international name Ragasa) duol sa Northern Luzon.
Subay sa pasalig sa Presidente (Ferdinand R. Marcos Jr.) sa pagsiguro nga walay pamilyang Pilipino nga gutomon panahon sa kalamidad, ang DSWD mipasalig sa publiko nga ang FNIs anaa na sa mga estratehikong lugar.
Ug ang mga pamilya nga kinahanglan nga mobakwit dili angay mabalaka tungod kay ang gobyerno, pinaagi sa DSWD, andam sa pagtubag sa ilang mga panginahanglanon ug paghatag og hinabang sa matag pamilya nga mahimong maapektuhan ning panahon sa kritikal.
