Gipahibalo sa buhatan sa PAGASA-VISAYAS nga adunay nasigpatan nga usa ka Super Typhoon ang anaa gawas sa Philippine Area of Responsibility nga posibleng makasulod sa adlawng Martes, Oktubre 16, 2026.
Matud ni PAGASA Chief Regional Services Engr. Alfredo Quiblat Jr. nga aduna silay nasigpatan nga bagyo gawas PAR nga ginganlan nga Super Typhoon Champi, anaa kini sa 2,000 km. East of South Eastern Luzon nga adunay gikusgon sa hangin nga 185 km/h samtang ang paghaguros moabut sa 230 km/h.
Gbutyag sa buhatan, nga possible kining makasulod sa umaabot nga Martes, ug nganlan kini nga Super Typhoon Rosal, ug kini ang ika 18 nga bagyong mosulod sa Pilipinas, base sa ilang forecast hingpit nga maapektuhan niini ang Amihanang bahin sa Luzon, ug posibleng direktang maapektuhan ang nasud nga Taiwan sa Huwebes, Oktubre 22, 2026.
Giihimug-atan ni Engr. Quiblat, nga gamay ra ang tiyansa nga maapektuhan ang Kabisay-an gumikan kay padulong sa Amihanan ang ruta niini, base sa datos, apan kon adunay mga pag-usab, posibleng maapektuhan ang Eastern part sa Visayas particular sa Samar.
Giklaro usab ni Quiblat, nga wala pa hingpit nakasinati ang Kabisay-an sa epekto sa El niño, inay, tungod kini sa paghuyang Intertropical Convergent Zone, rason sa nasinati nga kainit, lakip nga nakaepekto niini ang Easterlies nga maoy midala sa hangin gikan sa Dagat Pasipiko.
