CEBU CITY-Gipaambit ni Cebu City Councilor Jun Alcover ang iyang kalipay sa dihang nasaksihan ang pagtubo sa mga utanon sa People’s Farm nga nahimutang sa South Road Properties ning panahon sa ting-ani.
Apan, bisan paman sa kalipay niining natagamtaman wala kini nakaikyas nga adunay kaguol ang konsehal gumikan sa ilang giatubang karon nga kainit sa panahon nga nakahatag og dako nga epekto.
Ingon man nga padayon sa pakigkumbati ang konsehal ug uban pag sakop sa maong programa taliwa sa kainit ug kabalaka sa suplay sa tubig nga taga adlaw kinahanglan adunay mabubo sa mga tinanom.
Sa pikas bahin, mipadayag usab kini sa iyang kasagmuyo sa national government sa dili hingpit nga pagsuporta sa mga tunghaan sa agrikultura gani, sukwahi kini sa gitanyag nga ang Pilipinas usa ka agricultural country apan ang kahimtang, nga wala kini masubay sa reyalidad sa nasud.
Dugang pa sa opisyal nga mihimo na usab kini og suwat kabahin sa paghatag og importansya sa mga agricultural schools gumikan sa reyalidad nga palpak ang hisgutanan sa agricultural economy sa Pilipinas.
