CEBU CITY – Gi-awhag ni Konsehal Dave Tumulak ang katawhan sa matag baranggay niining dakbayan nga magtinabangay na lang ug dili magsalig sa Metropolitan Cebu Water District (MWCD) subay na sa problema sa supply sa tubig.
Matud ni Tumulak nga bisan paman og duna nay nga pag-uwan, sa gihapon nagkuwang pa ang supply sa tubig.
Gani muabot na sa 12 ka mga baranggay sa Habagatang bahin samtang 6 sa Amihanang sa Sugbo ang naapektohan niini.
Nanawagan usab ang konsehal sa Cebu City Disaster Team nga planohon na daan ang angayang buhtaon para dili na mas mugrabe pa ang sitwasyon.
Samtang nagkanayon si Charmaine Rodriguez Cara ang tigpamaba sa MCWD nga wala pa gihapon makabawi ang Jaclupan Dam sa production niini bisan paman sa mga pag-uwan.
Dugang pa ni Cara nga angayan pa nga maghuwat og laing uwan para makabawi.
Sa pagkakaron nagdepende lang usa sa mga rasyon ang mga area nga naapektohan hangtud nga mabalik sa normal ang supply sa tubig. (FDP/GN)
