CEBU CITY – Mikunhod ang mga presyo sa utanon ug mga lamas sa Carbon Public Market gumikan sa kadaghan nga supply.
Gipahibalo ni Edita Avila, usa ka vendor, nga ang bombay nga puwa nga niadtong New Year kay mikabat ug P300 ang kilo, karun anaa na lang sa P80; sili atsal gikan sa P400 kay anaa na lang kini sa P200; sili espada nga tag P600 matag kilo kay anaa na lang sa P120 ngadto sa P160; ug ang sibuyas dahonan nga tag P200 kay mukabat na lang sa P100 ngadto sa P120.
Gawas pa niini, mikabat na lang sa P25 ngadto sa P30 ang ilahang baligya sa usa ka putos nga sari-sari sa utanon nga sagad gamiton alang sa chopsuey ug pinakbit.
Apan, bisan pa man niini, gibutyag ni Avila nga mingaw sa gihapon ang ilahang tinda ug gamay lang ang ilahang halin.
Gipasabot niini nga midagsa ang ilahang mga supply nga gikan sa Manila, Baguio City ug sa Mindanao, hinungdan sa pagkunhod sa presyo sa utanon ug lamas.
