Gikumpirmar sa usa ka senior nga opisyal nga ang usa kajoint military combat operation sa US-Israel mitarget sa Iranian Supreme Leader nga si Ali Khamenei ug Presidente Masoud Pezeshkian sa kaulohan sa Tehran niadtong Sabado, Pebrero 28.
Sumala sa opisyal sa Israel, ang mga pwersa sa militar mitarget sa mga commanding officer nga responsable sa daghang pagpatay sa mga nagprotesta sa Iran.
Ingon man nga gikatakda usab na magpagawas og “battle damage assessments” kalabot sa pag-atake nga gitawag nga “Roaring Lion” operation.
Kahinumduman nga unang misaad ang Foreign Ministry sa Iran og “decisive ug definitive” isip tubag human sa mga pag-atake sa militar nga gilunsad sa US ug Israel sa teritoryo niini.
Gitawag usab sa Ministry ang pag-atake nga usa ka paglapas sa United Nations Charter.
Samtang, labing menos 51 ka estudyante ang namatay human ang usa ka airstrike sa Israel miigo sa lementary girls’ school sa Minab sa habagatang probinsya sa Hormozgan sa Iran.
Ang mga taho sa estado sa Iran nagbutang sa kumpirmadong ihap sa namatay sa pag-atake, nga ilang giingon nga usa ka “sibilyan nga target,” nga sobra sa 40.
Subay niini, misaad si US President Donald Trump og tabang alang sa mga Iranian, apan ang gobyerno sa Iran mahimong moingon nga ang pagtaas sa mga sibilyan nga mga nakalas kay usa ka paglapas sa internasyonal nga balaod ug usa ka agresyon batok sa mga tawo niini.
“The armed forces of the Islamic Republic of Iran will decisively respond to the aggressors with authority,” matud sa Ministry.
“History bears witness that Iranians have never bowed their heads in submission to foreign aggression and domination; this time too, the response of the Iranian nation will be decisive and definitive,” gdugang sa Iran Foreign Ministry.
TAGS Iranian Supreme Leader Ali Khamenei President Masoud Pezeshkian US-Israel attack in Iran
