CEBU – Susihon sa Municipal Government of Cordova ang septage treatment plant sa Barangay San Miguel karong Lunes, Oktubre 10, 2022.
Kini ang gibutyag ni Mayor Cesar “Didoy” Suan nga iya nang gimandoan ang ilang Rural Health Unit (RHU) nga mohimo og inspeksyon sa pasilidad.
Ang septage treatment plant gipanag-iya sa Metro Cebu Water District (MCWD), ubos sa kontrata nga kasabutan sa EnviroKonsult Equipment and Services, Inc.
Nasayran nga una nang niisyu si Suan og cease and desist order batok sa septage treatment plant niadtong Sept.
Una nang namahayag ang MCWD nga ilang gipatuman ang mga lakang aron mapugngan ang baho sa pasilidad pinaagi sa pagpalit og pipila ka kemikal.
Apan matud pa ni Suan nga wala pa mo-report kanila ang MCWD ug ang contractor niini kon unsa na nga mga aksyon ang gihimo aron matubag ang problema.
