Suspect nga mitago samtang gipangita sa mga pulis nasikop tungod kay naka-otot

Walay swerte ang usa ka lalaki sa Missouri kinsang gipangita sa mga pulis, kini human nga nasikop hinoon tungod kay naka-otot kini samtang mitago.

Matud sa mga Liberty Police Department officers nga gipangita nila ang maong lalaki human nga wanted kini sa kalapasan sa paghupot og iligal nga butang.

Hapit na unta makalingkawas ang maong lalaki apan daw sama nga gitraydor kini sa iyang sistema human nga naka-otot sa sayop nga lugar ug oras.

Dili lang usab kay naka-otot lang, apan tungod sa baho niini, na-trace sa mga pulis ang nahimutangan sa maong suspect.

Wala lang hinoon nganli ang maong lalaki nga natanggong na karon sa bilangguan.