CEBU CITY-Nailhan na ang 4 ka suspect sa pagpatay ni Atty. Jonnah John Ungab. Kini mao ang gikompirmar ni PSupt. Ryan Devaras ang head of Task Force Ungab.
Matud ni Devaras nga sa karon naghuwat nalang sila sa affidavit ni Pearl Ungab ang asawa sa Abogado aron nga makafile sila og kaso.
Dili usa nila ipahibaw ang pangalan sa mga suspects sanglit ila paman kini karong givalidate ug kung mapasakaan na og kaso ayha pa kini nila ipahibaw ang mga pangalan.
Pagtino usab ni Devaras nga kining ilang impormasyon kalabot sa pagkatao sa mga suspect basi na usab sa mga witnesses.
Nagkanayaon usab si Devaras nga dako ang ilang pagtoo nga mga hired killers ang nagpatay ni Atty. Ungab.
Kahinumduman nga gi-ambush patay si Ungab sa pag gawas niini sa Palace of Justice sa Quimonda Building human sa iyang hearing niadtong Pebrero 19 niining kasamtangang tuig.
