CEBU CITY-Nasikop ang suspek sa paglogos sa 4 ka buwan nga masoso sa Sitio Dakit,Brgy.Perelos,Lungsod ng Carcar,Probinsiya sa Cebu.
Giila ang suspek nga si Jonathan Marfe, 45 anyos , lumad nga taga Bohol apan kasamtangang nagpuyo sa Carcar.
Una niini usa si Marfe sa 6 nga persons of interest nga gi-imbetar sa Carcar City PNP para sa questioning apan walay consistency ang mga pamahayag niini.
Tungod niini gi-adto sa Carcar PNP ang balay sa suspek kung diin narekober ang karton nga adunay lama sa dugo hasta na usab ang sinina sa suspek nga gisul-ot niini sa adlaw nga wala pa nawala ang bata.
Matud ni PO3 Vivian Tamayo ng Women’s and Children’s Protection Desk sa Carcar City Police Station nga sa wala pa mahitabo ang insidente , nag-inom pa ang suspect ug ang amahan sa biktima. Sa dihang pauli na kini wala mudiritso ang suspek sa iyang balay apan gisulod niini ang balay sa biktima ug gikuha ang masuso.
Gihimakak usab sa suspek ang akusasyon batok kaniya.
Samtang, desidido ang amahan sa biktima nga mahatagan ug hustisya ang nahitabo sa iyang anak
Nahimutang pa ang masuso sa Vicente Sotto Memorial Medical Center (VSMMC) ug padayon pa kini nga gi-obserbahan.
Mahinumduman nga pasado ula una sa kaadlawn niadtong Huwebes nabatian sa pipila ka mga residente nga adunay kusog nga hilak sa usa ka masuso hinungan nga ila kini nga gi-adto ug nakita nalang nila ang bata sa kasagbutan nga nagkadugo na ang diaper.
Gi-adto usab ang panimalay sa kabanay sa maong masuso ug nasuta nga walay pultahan ang ilang balay ug kurtina lang ang nagtabil. Nahinanok usab ang inahan niini hayan wala niya mabantayi nga gikuha na sa suspek ang iyang 4 ka buwan nga anak.
Gidala sa Carcar City Police Women’s and Children’s Protection desk ang biktima sa pink room sa Vicente Sotto Memorial Medical Center ug migawas sa medical examination nga naa kini laceration ug aduna pay sagbot ang kinatao niini.
