CEBU CITY-‘Case close’ na kung makonsiderar sa kapulisan ang kaso ni Atty. Salvador Solima kinsang gipusil patay kagahapon sa gabii sulod mismo sa iyang panimalay sa may Singson Village, Barangay Guadalupe niining dakbayan.
Kini mao ang gibutyag PSupt Ryan Devaras ang hepe Investigation, Detection and Management Branch (IMDB) human nga nadakpan ang suspect nga si Ricarte alyas ‘blue fox’ Delcoro kaganihang udto.
Una niini, nagpahagiyon ug buybust operation ang Station 6 diin target niini ang usa ka alyas’blue fox’ samtang hot pursuit usab ang gipahigayon sa homicide section sa ilang target nga ginganlan usab og blue fox.
Tungod kay managsama lamang ang pangalan sa subject sa buybust operation ug ingon man target sa homicide section dali nga gidala si Blue Fox sa CCPO ug didto positibo kini nga giila sa testigo nga maoy misulod sa balay sa abogado ug namusil.
Apan gipasabot ni Devaras nga bisan og case close na ang kaso padayon gihapon ang ilang imbestigasyon sanglit naa pa silay duha ka person og interests ug sutaon nila ang kalambigitan niini sa krimen.
Usa ka Alberto Baluyos Jr. alyas junjun ang igsoon niini nga si alyas Alvin ang person of interest sanglit giimbitar kini sa pamilya para imbestigaran human nga nakadawat ang abogado ug verbal death threat gikan kanila tungos sa kaso nga land dispute.
Nasayran nga dako matud pa nga kantidad sa kwarta ang na involved sa maong kaso.
Samtang nakatakda nga pasakaan og kaso nga murder ug frustrated murder ang nasikop nga suspect.
