Niresulta sa kamatayon sa labing menos 16 ka tawo ang insidente sa pagpamusil sa Bondi Beach, Australia atol sa Hanukkah event niadtong Domingo, Disyembre 14.
Sa usa ka interbyu sa Bombo Radyo, si Denmark Suede, Bombo Correspondent sa Australia, miingon nga ang mga suspek usa ka amahan ug anak, parehong Muslim, ug gituohan nga ang target sa pag-atake mao ang komunidad sa mga Hudiyo, apan daghang sibilyan ang nasamdan, lakip ang pipila ka mga bata, nga gitambalan sa lainlaing mga ospital sa lugar.
Gikondenar sa gobyerno sa Australia ang insidente, ingon man ang komunidad sa mga Muslim, ug giingon nga wala kini nagrepresentar sa ilang pagtuo.
Ang anak sa suspek anaa na karon sa kustodiya sa pulisya, samtang ang amahan sa suspek gipusil patay human gikawatan og pusil sa usa ka sibilyan, nga nailhan usab nga usa ka Muslim.
Kini ang pinakabag-o nga insidente sa pagpamusil nga natala sa Australia sulod sa 29 ka tuig.
Giimbestigahan pa sa mga awtoridad ang motibo sa krimen ug kung adunay ubang mga tawo nga nalambigit sa insidente.
