CEBU CITY-Padayong gipangita ang suspek sa responsable sa kamatayon sa 45-anyos nga lalaki kinsang gipusil-patay sa Barangay Poblacion Pardo, ning dakbayan sa Sugbo.
Giila ang biktima nga si Rudgie Dela Peña lumad nga taga Barangay Poblacion Pardo apan matud pa nga anaa na kini nagpuyo sa Barangay Tungkop sa Lungsod sa Minglanilla.
Matud sa mga silingan, sa wala pa kini pusila kay gitabang pa kini kay naglisod og ginhawa.
Ug sa dihang miabot ang duha ka lalaki sakay sa motorsiklo ug mihunong daplin sa dalan, kay walay duha-duha nga gipauwanan og bala si Dela Peña.
Dayong sibat ang mga suspek sa wala pa matino nga direksyon.
Ubay-ubay nga samad pinusilan ang naangkon sa biktma rason sa iyang hinanaling kamatayon.
Samtang nakuha sa mga sakop sa SOCO ang 12 ka kabhang sa crime scene sa wala pa matino nga kon unsa nga armas.
Ingon man nga nakuhaan usab ang biktima og mga pakete sa gitoohang shabu, lighter, sinsilyo, selpon ug uban pa atol sa paghiling sa lawas niini.
Giturn-over na sa imbistigador an mga narekober nga maoy mikupot sa maong kaso.
