Suspek sa pagpatay sa usa ka babaye sulod sa motel sa Carcar City, misurindir sa kapulisan; selos gituohan nga motibo

CEBU – Selos nga dili kapugngan ang gituohang motibo sa pagpatay sa usa ka 36 anyos nga babaye sa usa ka motel sa dakbayan sa Carcar, probinsiya sa Sugbo.

Kini ang pasi-unang gilantaw sa kapulisan human nga misurindir ang suspek sa maong krimen sa Sierra Bullones Police Station sa probinsiya sa Bohol.

Giila ang suspek nga Carlo Virador, 40 anyos, ug taga Barangay Bugsoc sa lungsod sa Sierra Bullones.

Matud pa sa kapulisan nga miangkon si Virador sa krimen nga iyahang gibuhat.

Nasayran nga daling mi-uli ang suspek human nga nahimo ang krimen.

Sa pamahayag ni Virador, giingong hilabihan iyahang kalagot sa dihang nakit-an niini ang mga text messages sa laing lalaki sa cellphone sa biktima.