CEBU CITY – Miangkon na ang suspect nga maoy mipatay sa usa ka construction worker nga si Bonifacio Candia kagahapon sa Sitio Cabangkalan Brgy. Bulacao, Cebu City. Giila ang suspect nga si Artemio Tañola.
Matud ni PO2 Rayan Panogaling nga personal grudge ang nakita nila nga motibo sa pagpatay sa suspect ni Bonifacio sanglit kanunay kini niya nga makabangi tungod sa pagsuyop sa biktima.
Kaso nga murder usab ang ipasaka sa suspect human sa iyang pag-angkon.
Samtang, nagkanayon ang suspect nga si Artemio nga igo lang niya gibadlong si Bonifacio kay musuyop unta kini sanglit foreman ang uyuan sa suspect.
Apan mitubag matud pa ang biktima ug miingong nga bunalan siya ug mihingan pa kini og walay boot sa iyang uyuan hinungdan nga wala siya nakapugong ug iya kining nabunalan.
Mi-angkon usab ang suspect nga human niya nga gibunalan, iya dayon kini gitukmod gikan sa 3 ka andana nga building.
