Gipasakaan na og kaso sa mga awtoridad sa New York ang suspek nga mipusil-ipatay sa CEO sa UnitedHealthcare nga si Brian Thompson.
Gidakop ang 26-anyos nga si Luigi Mangione sa usa ka fast food chain sa lungsod sa Altoona, Pennsylvania sa dihang nakit-an siya sa usa ka kustomer.
Nakuha gikan sa kustodiya sa suspek ang usa ka pusil ug pipila ka mga dokumento.
Nasayran nga ang suspek usa ka gradwado sa Ivy League gikan sa usa ka prominenteng pamilya sa Maryland.
Ang suspek miatubang sa korte sa Pennsylvania ug gipasakaan og kasong paghupot og walay lisensya sa armas ug uban pang kaso.
Kahinumduman nga gipusil-patay sa suspek ang 50-anyos nga si Thompson samtang naglakaw gawas sa Hilton Hotel sa Midtown Manhattan.
Sa pagkakaron, padayon pang gisuta sa mga otoridad ang nag-unang motibo sa suspek sa nasangpit nga krimen nga iyang nahimo.
