Suspek sa sunog sa pampublikong mercado sa lungsod sa San Fernando, nadakpan na sa kapulisan

SAN FERNANDO, CEBU-Nasikop sa kapolisan ang usa ka lalaki nga gipasanginlang maoy nagsugod og sunog sa merkado sa Barangay South Poblacion, lungsod sa San Fernando, habagatang bahin sa Sugbo niadtong sayo sa buntag sa Hulyo 11, 2024.

Giila ang akusado nga si alyas “Andoy”, giingong nidagan paingon sa gawas nga bahin sa utanonan sa maong merkado dala ang usa ka ang lighter sa wala pa magsugod ang sunog.

Gituohan usab nga adunay problema sa pangisip ang akusado.

Kasamtangang gitanggong ang suspek sa San Fernando Police Station sa kasong arson.

Kahinumduman nga mukabat sa kapin 11-milyones pesos ang balor sa butang nga naugdaw sa sunog sa kapin 80-ka mga tenants sulod sa 1,100 square meters sa naasoy nga merkado.