Nitataw ang Presidential Anti-Organized Crime Commission (PAOCC) nga si suspended Bamban Mayor Alice Gou kabahin sa usa ka criminal syndicate.
Ang maong sindikato, sumala sa komisyon, maoy responsable sa mga kriminal nga operasyon nga nahitabo sulod sa duha ka gilusob nga Philippine Offshore Gaming Operator (POGO) hubs nga mao ang Zun Yuan Technology Inc. sa Bamban, Tarlac ug Lucky South 999 sa Porac, Pampanga.
Suno kay PAOCC Spokesperson Winston John Casio nga mao kini ang naggawas sa ilang imbestigasyon suno sa sunod-sunod nga operasyon ug eksplorasyon nga gihimo sa duha ka nasambit nga compound.
Bisan pa, dili pa klaro kung unsa ang piho nga tahas ni Gou sa nahisgutan nga organisasyon nga mga kriminalidad.
Suno kay Casio, padayon pa ang imbestigasyon sa mga gilusob nga POGO hubs nga ginasuta pa ang koneksyon niini, lakip na ang mga indibiduwal nga mahimo man nga may koneksyon ug uban pa.
Kahinumduman nga si Mayor Gou kay kanhi incorporator sa Baofo Compound diin nahimutang ang Zun Yuan Technology Incorporated sa maong lungsod sa Bamban, Tarlac.
