Nadiskubrehan sa Vienna City, Austria ang sinuwat nga suwat sa kamot nga giingong iya sa nasudnong bayani sa Pilipinas nga si Dr. Joseph Rizal.
Diin ang maong suwat kay gipdala ni Rizal ngadto sa Austrian Journalist nga si Johannes Nordmann niadtong 1887.
Ang lima nga panid sa maong suwat kay naghatag og mga detalye mahitungod sa mga pagbiyahe ni Rizal sa Europe human sa pagmantala sa iyang nobela nga ‘Noli Me Tangere.’
Nasayran nga nadiskubrehan ang suwat ni Rizal kay gipublikar kini atol sa lecture ni Dr. Johann Stockinger, usa ka antropologo sa kultura sa Austrian ug bise presidente sa Austro-Philippine Society.
Ingon man nga ang talagsaong dokumento kay nakit-an niadtong Setyembre 2023 samtang nagpahigayon og panukiduki sa makasaysayanong mga suwat nga gipadala ngadto sa Nordmann.
Samtang, si Philippine Ambassador to Austria Evangelina Lourdes Bernas nipadayag sa iyang pasalamat kang Stockinger sa iyang talagsaong pagkadiskobre sa usa ka bahin sa kasaysayan sa Pilipinas.
