CEBU CITY-Nalipay si Mrs. Thelma Chiong sa gihimo ni Presidente Rodrigo Duterte nga pagtangtang ni BuCor Chief Nicanor Faeldon sa pwesto apan wala kini maka-uyon sa sa 15 diyas nga kagawasan nga gihatag sa presidente sa mga nakagawas nga convicted criminal tungod sa GCTA
Kini human nga gikwestyon ni Chiong ang balaud ingon man ang pagdumala ni Duterte sa nasud subay sa nahitabong pagpagawas sa mga high profile criminals.
Matud ni Chiong sa dihang nahinabi sa Bombo Radyo Cebu nga taas ra kaayo ang 15 diyas o duha ka semana para sa mga nakagawas nga criminal–usa ka semana lang matud pa ang angay unta para niini sigon ni Chiong.
Daw sama nga gitagaan matud pa sa presidente ang mga nakagawas og oras para mutago. Angayan niini matud pa nga gukdon ang oras.
Mas maayo usab matud pa nga gipatungan ang mga ulo niini para nga madakpan dayon. Apan daw sama nga nagduha-duha si Chiong niini tungod kay sa ka taas na nga panahon nga napriso sila Josman Aznar, Alberto Caño ug Ariel Balansang nga maoy nga rapist-killers ni Maryjoy ug Jacqueline Chiong, wala na matud pa siya nakahibaw unsay dagway niini nila karon tungod kay tiguwang naman kini sila.
Pangutana karon ni Mrs. Chiong kung unsaon kini pagdakop sa pulis.
Hinoon, nagtoo pa si Chiong nga naa pa Pilipinas ang killers sa iyang mga anak tungod kay wala na matud pa kini kwarta nga ilarga sa gawas sa nasud.
Dako usab nga pangutana karon para ni Mrs. Chiong kung duna bay kriminal nga mubalik ug mutahan sa iyang kaugalingon sa prisohan human gibuhi-an na.
