CEBU CITY– Himoon na nga 3 milyones ka pesos sa Cebu Provincial government ang tabang pinansyal nga ihatag niini sa LGU sa Naga City subay sa nahitabong landslide niadtong Setyembre 20 sa nakalabay nga tuig.
Kini ang gibutyag ni Cebu Governor Gwendolyn Garcia.
Matud sa gobernador nga gamay ra matud pa ang una nga gihatag nga tabang sa probinsya nga 1 million pesos tungod kay daghan sa gihapon ang wala pa nahiluna kon wala pa marelocate.
Makighinabi usab si Garcia ni Naga City Mayor Valdemar Chiong kinsang mihangyo usab sa probinsya og tabang.
Sigon sa gobernador nga igo na gyud ang 3 milyones ka pesos sanglit dili lalim ang nahitabo sa mga biktima.
Dugang pa niini, muabag matud pa usab ang probinysa sa mga primary agency partikular na ang DepEd para usab sa pagtukod og bagong tunghaan para sa pag-eskwela sa mga bata sa naasoy nga dapit.
