CEBU CITY-Nanghinaot sa gihapon ang mga sidewalk vendors nga unta malooy kanila ang presidente sa ilang kahimtang.
Kini human nga wala na gyud matud pa sila’y halin human nga sila gibalhin sa ‘Tabo sa Banay’.
Hantod karon, syagit sa mga vendors nga ilang pangandoy nga mabalik sa ilang naandan nga pwesto sa dalan colon. Dugang pa niini, gibutyag sa mga vendors nga wala na silay mahatag nga bawon sa skwelahan sa ilang mga anak gumikan kay igo ra pamilite pauli sa ilaha ang ilang halin.
Dason pa sa usa ka vendor nga daghan og lamok sa maong lugar ug magbanaw pa ang tubig sa ilang bag-ong pwesto kung mag-ulan.Wala na usab matud pa sila kabayad sa ticket nga tag 10 pesos sangkit kung kuhaan pa nila ang ilang halin, wala na matud pa silay mahimo.
Ug hangtod karon, wala sa gihapon, mitultol ang mga customers sa Tabo sa Banay mao nga wala na silay halin.
Hangyo nalang sa mga vendors nga di sila dugay-dugayon sa ilang kahimtang gumikan kay dunay silay adlaw-adlaw nga panginahanglanon. (Bombo Lahvi Quiñones with reports from Bombo Jun Salde)
