Padayun ang search and destroy, clean up drive ug uban pang lakang sa pag pukgang sa mga lamok nga gadalag dengue sa Tabunok Central School subay sa pagtaas sa kaso sa dengue sa maong tunghaan.
Gawas sa regular clean up drive, gipang pull out pud tanan gamit nga pwede puy-an sa lamok. Inubanan sa Team Akzyon Agad sa Talisay, Barangay Tabunok, City Health, ug ang PTA sa skwelahan, naningkamot na hingpit na tudlokan ang problema sa dengue.
Gimandoan usab sa School Principal nga si Dr. Winesa C. Verola ang tanang magtutudlo sa maong tunghaan nga kanunay monitoron ang mga posibleng puy-anan sa lamok sulod sa mga classroom.
Gihayango usab sa principal ang City Health sa Talisay ang every week nga misting, nga Ilaha kining pagabuhaton hangtud mahurot na tanang lamok nga possibleng magdala sa sakit na dengue.
Gipasalig ni Verola nga ang prioridad sa skwelahan mao ang kaluwasan sa ilang mga tinun-an ug ilaha kini gipanigkamotan nga luwas kanunay.
Gihanyo pud niya ang mga ginikanan nga tabangan sila sa ilahang gubat kontra sa dengue pamaagi sa pagpanglimpyo sa kaugalingog nataran ug kon makasinati hilanat, mas mayo nga magpahostipal na dayun.
Gikalipay pud niya ang suspend sa f2f classes ug malaumon mga mukunhod nagayud ang kaso pinaagi niini.
Sa pagka karun, gipatuman ang modular o alternative learning set-up sa maong tunghaan.











