Tag-iya sa iro nga gilapwaan sa Barangay Mambaling, dili na mopasaka ug kaso sa suspetsado

CEBU CITY-Dili na ipadayon sa reklamante ang iyahang pagpasaka ug kaso sa suspek nga mibubo ug init nga tubig sa iyahang binuhi nga iro.

Gipahibalo ni Gina Lucido, kinsang tag-iya sa iro nga gibakwi na niini ang pagpasaka ug reklamo batok sa 23-anyos nga si Jason Fuentes human nga silang duha ang mipirma ug compromised agreement.

Samtang, ang suspek nga si Fuentes kinsang gitanggong karun sa Mambaling Police Station tungod sa insidente, mitataw nga nakat-on kini sa iyahang leksyon ug misaad nga dili na kini mupasakit ug mga iro.

Una nang giangkon ni Fuentes nga gibubo-an niini ug init nga tubig ang iro niadtong Domingo, Pebrero 19, gumikan sa iyahang kapungot nga nag-punay ug dagan ang maong mananap sulod sa compound.