CEBU CITY– ‘Fake News’ ang mikatap sa social media nga dunay nagpositibo sa COVID-19 sa Brgy. Tisa dakbayan sa Sugbo.
Kini ang gitataw ni Hearty Lopez, ang public information officer sa dihang nahinabi sa Bombo Radyo Cebu atol sa tulumanong Zona Libre kung diin giklaro niini nga wala pa’y nagpositibo o wala’y nagpositibo sa COVID sa naasoy nga barangay.
Gani, natrace na matud pa nila ang nagpakatap sa maong sayop nga impormasyon ug andam na unta sila nga pahamtangan kini og tukmang sanction apan nagpakilooy matud pa kini hinungdan nga ila nalang kini nga gipasaylo.
Nasayran nga duha ka book ang nagpost sa maong taho ug ang usa, minor de edad.
Mipahimangno si Lopez sa publiko nga dili gyud magpataka og post kalabot sa mga COVID-19 aron dili makamugna og alarma.
