-- ADVERTISEMENT --

Gikondena sa Taiwan ang pagsugod sa China sa duha ka adlaw nga mga military exercises sa palibot niini.

Ang maong mga drills, gihimo tulo ka adlaw human sa inagurasyon ni President William Lai kinsa nanawagan sa China nga hunongon na ang pag-atake sa isla ug dawaton na lang ang paglungtad sa demokrasya.

Sumala sa defence ministry sa Taiwan, ang gibuhat sa China usa ka dili makatarunganon nga paghagit.

Nagdeploy usab ang Taiwan og naval, air ug ground forces sa soberanya niini.

Giisip kini sa Taiwan military ngausa kini ka full-scale attack.

Gipahigayon ang military exercises sa palibot sa Kinmen, Matsu, Wuqiu ug Dongyin islands.

Kahinumduman nga niadtong Agosto 2022, gilibotan sa China ang Taiwan isip pagpakita sa pagsupak sa pagbisita ni US House Speaker Nancy Pelosi.

Giklaro sa China nga ang ilang military drills usa ka silot sa pag-insistir sa Taiwan nga independente kini ug usa usab ka pasidaan batok sa interbensyon sa ubang pwersa.