Kusganong gisalikway ni Presidente Lai Ching-te sa Taiwan ang gibag-o nga panawagan sa China nga ipailalom ang isla sa usa ka sistema nga“one country, two systems,” nga nag-insister nga ang Taiwan magpabilin nga independente ug demokratiko.
Sa iyang pakigpulong, si Lai miingon nga ang kusog ug kaandam alang sa depensa lamang ang makahatag og tinuod nga kalinaw.
Ang pahayag migawas isip tubag sa mas estrikto nga tono sa Beijing karong semanaha, human sa pagdeklarar nga wala kini magsalikway sa paggamit sa puwersa batok sa Taiwan.
Gi-insister usab sa presidente nga ang Republika sa China ug ang People’s Republic of China dili ubos sa usag usa, ug nga ang mga tawo sa Taiwan lamang ang adunay katungod sa pagdesisyon sa ilang kaugmaon.
Gipahibalo usab ni Lai ang usa ka tumong nga ipataas ang paggasto sa depensa sa Taiwan ngadto sa 5% sa GDP sa 2030, aron mapalig-on ang abilidad sa nasud sa pag-atubang sa nagkadako nga hulga gikan sa China.
