Taiwan, mopahigayon og ‘mass culling’ sa green iguanas

Gianunsyo sa Taiwan nga mopahigayon kini og culling activities batok sa green iguanas.

Matod sa Forestry and Nature Conservation Agency ilang girekomendar ang pagpatay sa 120,000 ka green iguanas isip kabahin sa pagbalanse sa kinaiyahan.

Usa sa tawhanon nga paagi sa pagpatay mao ang paggamit sa mga fishing spears.

Adunay gituohan nga mga 200,000 ka iguanas nga nagpuyo sa habagatang ug sentral nga Taiwan.

Sa miaging tuig adunay usa ka espesyal nga grupo sa pagpangayam nga nakapatay sa 70,000 ka iguana diin gibayran sila og $15 matag usa.

Giingun nga dali sila nga modaghan busa importante nga maminusan kini aron adunay balanse ang kinaiyahan.