Magpahigayon ang Taiwan og military drill, isip tubag sa miaging military drill nga gihimo sa China sa maong estado.
Kahinumduman nga niadtong Abril 1, gisugdan na usab sa People’s Liberation Army (PLA) ang laing drill sa isla, nga naglakip sa live-fire exercise sa kadagatan sa palibot niini.
Sumala sa gobyerno sa Taiwan, sugod karong adlawa, Abril 5, ang lain-laing mga command niini mopahigayon og simulated military operations nga nakasentro sa pakigbatok sa Chinese People’s Liberation Army (PLA) forces.
Diin ang mga simulation sa militar moabut sa lainlaing mga kapasidad, gikan sa mugbo nga mga away hangtod sa taas nga intensity nga mga panagbangi.
Dugang ni Taiwan Ministry of National Defense – Joint Operations Planning Division Director Major General Tung Chi-hsing, ang drill molungtad hangtod Abril 18, nga bahin niini ang posible nga paggamit sa Joint Theater Level Simulation Platform.
Gilauman usab nga ang drill kay mosukod sa abilidad sa Taiwanese commanders aron gamiton ang ilang mga kabtangan sa militar sa lainlaing mga operasyon.
Ingon man sa uban pang mga asset sa militar nga gipalit sa Taiwan gikan sa US, sama sa mga battle tanks, artillery rocket systems, guided missile ug uban pa.
