CEBU CITY-Taktakon si Baclayon, mao kini ang hangyo ni Konsehal Jun Alcover kang Vice Mayor Garcia, kung molingkod na kini isip Acting Mayor.
Kini ang kusganon nga pamahayag ni Cebu City Councilor Pastor “Jun” Alcover, atol sa pakighinabi sa Bombo Radyo Newsteam, nga ang unang hangyo niya kang Vice-Mayor Raymond Alvin Garcia, kung mulingkod na kini isip Acting Mayor mao ang pagpataktak kang City Agriculture Department Head Joey Baclayon.
Gitumbok sa konsehal nga kana guikan kay nawad-an na og pagsalig ang konseho kang Baclayon sa pagdumala sa agrikultura sa dakbayan maong walay hunong kinin mupursige nga ipataktak ang maong opisyal sa naasoy nga buhatan.
Dugang pa ni Alcover nga unta mahimong leksyon kini ni Mayor Rama ang iyang suspension sa pagpaminaw sa mga kauban sa city hall nga tinarong ang punto sa serbisyo sa katawhan ug dili sa pipila lang ka mga tao sa iyang opisina.
