Taliban, gibuhian ang US citizen nga natanggong sulod sa kapin sa 2 ka tuig

Gibuhian sa Taliban ang usa ka Amerikanong lungsuranon nga gibihag sa Afghanistan sulod sa kapin sa duha ka tuig.

Mibalik na sa US ang 66 anyos nga si George Glezmann human gibuhian tungod sa superbisyon sa nasud sa Qatar.

Ang nasangpit nga pagpagawas maoy resulta sa panagtagbo tali sa US hostage envoy nga si Adam Boehler ug sa iyang Qatari counterpart.

Kahinumduman nga gitanggong sa Taliban si Glezmann niadtong Disyembre 2022 diin gidudahang naniid.

Si Glezmann ang ikatulo nga lungsuranon sa US nga gipagawas gikan sa Afghanistan karong tuiga, pagkahuman nila Ryan Corbett ug William McKenty sa usa ka pagbayloay sa mga binilanggo nga gipatuman kaniadtong Enero.