CEBU CITY — Nasubo si Talisay City Mayor Samsam Gullas human mikumpirmar nga adunay unang kaso sa COVID-19 sa maong dapit.
Kini human nga nadawat ni Gullas ang maong taho gikan sa DOH-7 kalabot na sa kahimtang sa maong pasyente kinsang nagpaalim sa usa ka tambalanan sa Cebu City.
Matud sa mayor nga padayon ang ilang contact tracing aron ipaubos sa quarantine ang mga kauban niini, ingon man ang nahimamat sa maong pasyente.
“To be honest, I’m deeply concerned especially that the confirmed case never reported to concerned offices for monitoring and profiling. He was never a PUM or a PUI in the city,” sigon pa ni Gullas.
Dugang pa ni Gullas nga gikordon na sa mga sakop sa kapulisan ang panimalay sa pasyente sa Brgy. Lawaan 1 alang sa seguridad.
Mi-awhag si Gullas sa tanang Talisaynon nga magpuyo sa panimalay ug mosunod gayud sa mga lakang nga gitagana sa provincial government.
“This is a tough time for all us, especially for the people of Talisay City. But we can conquer this if we remain prayerful, strictly observe health precautions and avoid leaving our houses unless to buy food and basic necessities.”
