CEBU – Gipasar sa konseho sa dakbayan sa Talisay ang Resolution No. 2022-12-11 pinaagi sa Committee on Trade and Commerce nga gipangulohan ni Talisay City Councilor Eduardo Gullas III.
Katuyoan sa maong resolusyon kay ang paghatag ug kahigayonan sa mga lumad nga taga Talisay nga makatrabaho sa mga establisimento sa dakbayan.
Gihangyo sa konseho ang Talisay City Chamber and Commerce nga adunay porsyento sa workforce sa matag establisimento sa dakbayan kay mga Talisaynon.
Kini arun usab nga mapalambo sa lokal nga kagamhanan ang job generating measures sa dakbayan ug mapasaka pa ang ilahang employment rate.
Gibutyag ni Konsehal Gullas III nga daghan sa gihapon ang wala pa makabangon human nga nawagtangan ug trabaho gumikan sa COVID-19 pandemic hinungdan nga iyahang gipanday ang maong resolusyon arun nga makatabang sa mga Talisaynon nga padayong nangita ug trabaho.
