Andam mokanaog si Talisay City Mayor Gerald Anthony “Samsam” Vargas Gullas Jr. kon gani adunay makapamatuod nga nanag-iya sila og fast-food chain sa Talisay.
Kini ang gibuhian nga pulong sa mayor atubangan sa iyang mga konstituwente nga walay kamatuoran ang mga gipakatap nga mga bakak sa social media.
Kusganong gihimakak niini nga ang isyu ug gihatagan pa og gibug-aton nga gipugos og konektar sa politika ang isyu diin giingong wala sila magtarong sa pagdumala sa ilang katungdanan gumikan daw ‘busy’ kini sa ilang negosyo nga fast-food.
Gidugang pa ni Mayor Gullas nga aron masulbad sa mga nagpakatap og fake news kay mamahimo sila nga mobisita sa giingong gitukod nga fast-food ug personal nga tan-awon ang business permit.
Busa, nihagit usab ang mayor nga kung kinsa man gani ang makadala og tawo o dokumento dli lang sa dakbayan sa Talisay lukop tibuok Pilipinas nga nagpamatuod ug nakalatid ang ilang pangalan nga sila maoy nanag-iya kay walay duha-duha nga mokanaog kini isip pagka-mayor.
gihimakak sa Mayor nga dili tinuod ang mikatap sa social media kay matud niini nga pamolitika lang kini.
