CEBU – Dili angkunon ni Talisay City Mayor Gerald Anthony Samsam Gullas ang mga kalampusan nga nahimo sa Kagamhanan sa Dakbayan sa Talisay kundi gusto niyang i-credit kini sa kinatibuk-ang mga kawani sa Talisay cityhall ug mga elected officials sa naasuyng siyudad.
Gani matud pas a Mayor nga atol sa iyang mga anunsiyo o paghatag ug mga public speeches iyaha gyud nga gamiton anbg mga pulong nga “we ug our” kay naghulagaway kini nga dili lang ang Mayor maoy nagtrabaho kundi ang kinatibuk-ang Talisay LGU.
Nagkanayon kini nga dili niya kaya kung siya rang usa ang mangita ug pamaagi aron solusyonan ang mga concerns o problema sa siyudad hinungdan nga mapasalamaton kaayo ang Mayor sa iyang mga nakauban sa panerbisyo sa mga Talisaynon.
Ang nahisgutang Pamahayag sa Mayor, atol kini sa iyang paghatag ug taho kabahin sa kahimtang sa maong siyudad pinaagi sa iyang State of the City Address kon SOCA.
