CEBU CITY-Gipasidunggan ni Talisay City Mayor Gerald Anthony ‘Samsam’ Gullas ang Talisay PNP human nga kini ang numero uno o giisip nga ‘best performing investigation team’ sa tanang component cities sa probinsya sa Sugbo.
Ang Talisay PNP ang nakabaton og 93.18 % crime solution efficiency gumikan kay sukad niining buwan sa Enero hangtud niining buwan sa Hunyo sa kasamtangang tuig, nakasulbad ang Talisay PNP og 82 index crime sa 88 ka mga kaso.
Samtang gihangop usab kini sa hepe sa Talisay PNP nga si PMajor Gerard Ace Pelare ang maong pasidungog. Sa dihang nahinabi sa Bombo Radyo Cebu ang hepe, nagkanayon kini nga ang ila matud pa nga gibuhat mao ang pagtutok gyud ug pagbutang og investigator sa matag kaso.
Labaw sa tanan gipasalamatan usab niini ang komunidad gumikan sa kooperasyon.Dili matud pa mahimong malampuson ang ilang pagpanerbisyo kung dili gumikan sa pagkooperar sa komunidad. | via Bombo Eric Amaro
