CEBU CITY-Gilantaw sa kapulisan sa Labangon police Station ang tanang anggulo sa liniug nga kamatayan ni Reah Mae Tocmo, kini arun ilahang makuha ang tanang gikinahanglan, ug mahatagag hustisya ang kamatayon sa Biktima.
Sa pakighinabi sa Bombo Radyo Cebu, kang Police Major Angelito Valleser, ang hepe sa Labangon PNP, gitino niini, nga gawas sa pag backtrack sa mga closed-circuit television (CCTV) sa Dakbayan sa Mandaue, kung diin nagpuyo si Tocmo, nakig-alayun usab sila sa kabanay ug hinigugma sa biktima.
Kini arun ilahang masuta kung aduna bay napa-ambit ang biktima sa iyahang hinigugma o kabanay nga magamit sa kapulisan arun mapadali ang ilahang imbistigasyon.
Giangkon sa hepe, nga lisud alang kanila ang pagsulbad sa maong krimen, ilabi na nga walay CCTV’s sa lugar kung asa gilabay ang patayng lawas sa biktima.
Dugang pa, nga usa usab sa hagit nila kay wala nagpuyo ang biktima sa ilahang area, hinungdan nga nipahigayun sila ug interviews sa mga higala ug silingan sa biktima arun sa pag-ila sa pagkatawo niini.
