Mitigbabaw ang pambato sa Pilipinas nga si Tarah Valencia sa preliminary evaluation sa Miss Supranational 2025, nga gipahigayon niadtong Hunyo 25, diin iyang gipakita ang iyang kaanyag, kumpiyansa, ug karisma atubangan sa mga international judges.
Sa Confidence Round, nagsul-ob si Valencia og tangerine cutout nga one-piece swimwear nga gidesinyo sa bantogang Filipino designer nga si Boom Sason, nga nagpakita sa iyang kurba ug barog.
Milakaw dayon siya sa Elegance Round nga nagsul-ob og skin-tone mermaid cut gown nga adunay puti nga tulle skirt ug floor-length arm drape, nga gidesinyo ni Larry Espinosa, usa usab ka Filipino designer.
Sa iyang Instagram post, gihulagway ni Valencia ang iyang kaugalingon nga “Like grace that glides on water. A swan with white wings and quiet strength.”
Una niini, nalakip usab siya sa mga front runners sa SupraModel competition, diin nag-feature og mga kandidato gikan sa Asia ug Oceania.
Sa pagkakaron, si Valencia, 23, naglaum nga makadala sa ikaduhang Miss Supranational crown sa Pilipinas nga mahitabo karong Hunyo 27 sa Malopolska, Poland, Hunyo 28 sa oras sa Manila.
