Human sa 17 ka tuig nga pagtago sa England, si Tarique Rahman, ang nanguna nga kandidato nga mahimong sunod nga prime minister sa nasud, mibalik na sa Bangladesh sa dili pa ang eleksyon sa sunod tuig.
Si Rahman, 60 anyos, anak sa kanhi prime minister nga si Khaleda Zia ug ang lider sa Bangladesh Nationalist Party (BNP), nga karon nagtumong nga mobalik sa gahum sa umaabot nga eleksyon.
Si Rahman nagpuyo sa London sukad niadtong 2008 ug gilauman nga mahimong bag-ong lider sa Bangladesh kung modaog ang BNP, diin ang pagbalik ni Rahman nahitabo human sa pagkapukan sa rehimen sa kanhi prime minister nga si Sheikh Hasina niadtong 2024.
Si Rahman giimbestigahan kaniadto sa mga kasong kriminal samtang si Hasina ug ang iyang partido sa Awami League ang naa sa gahum, apan na-abswelto sa tanang mga kaso sa dihang natapos ang rehimen ni Hasina.
Mahinumduman nga si Hasina karon nagtago sa India, diin siya nag-atubang sa daghang mga kaso lakip ang silot nga kamatayon ug ang iyang partido dili usab tugutan nga moapil sa umaabot nga eleksyon sa nasud.
