Dakong swerte ang mabaton sa Probinsya sa Bohol nunot sa aktibong katimbabayong sa Provincial Disaster and Risk Reduction Managaemnent Council ang TaRSIER 117 o Telephone and Radio System Integrated Emergency Response, diin gimugna kini isip emergency rescue ug response force, alang sa mga dinaliang sitwasyon o panginahanglan, naa na sa tarsier base ang unified command center diin gilangkuban kini sa usa ka unified response team sama sa BFP, kapulisan, ug ang Coast guard.
Gamit ang 150 close circuit television systems, mga ambulansya, ug gatosan ka mga emergency responders, kaya na sa TaRSIER 117 ang tanang emergency assistance nga kinahanglan sa mga Bol-anon.
Gikabutyag nga aron masiguro gyud ang seguridad, adunay 24/7 nga gitahasan sa pag-monitor.
Masaligon usab ang maong team nga bisan anaa kini na sentro sa Tagbiliran ug pipila ka mga kalungsuran, accessible ra gihapon kini kay dako og kasangkaran.
Dugang pa, sa dili madugay, dugangan na usab ang mga equipment sa TARSIER, aron malukop na sa paglantaw tumong sa kaluwasan sa tibuok Bohol. | via Bombo Irene Ardiente
