Tatak Pinoy, gilunsad!

Opisyal nang gilunsad ang programang Tatak Pinoy aron mapalig-on ang lokal nga mga industriya aron mahimong mas kompetitibo ang mga produkto sa Pilipinas.

Si Department of Trade and Industry Secretary Cristina Roque miingon nga ang multi-year Tatak Pinoy strategy giaprobahan ni Presidente Ferdinand Marcos Jr niadtong Oktubre ug mao ang unang nasudnong palisiya sa industriya nga gi-institutionalize pinaagi sa balaod.

Ang bag-ong programa nagtumong sa pagtabang sa mga lokal nga negosyo nga mapauswag ang ilang mga produkto ug serbisyo pinaagi sa usa ka whole-of-nation approach. Kini gibase sa lima ka haligi- human resources, imprastraktura, teknolohiya ug inobasyon, pamuhunan, ugmaayong pagdumala sa pinansyal.