Nakahimo og double-double performance ang forward sa Boston Celtics nga si Jayson Tatum sa iyang unang pagbalik sa hardcourt human sa halos usa ka tuig nga pagpaayo gikan sa achiles injury.
Si Tatum nakahimo og tulo ka 3-pointers gikan sa walo ka wala niya ma-iskor ug naka-total og 15 puntos, 12 rebounds, ug pito ka assists.
Bisan pa sa taas nga pahuway, si Tatum nakahimo gihapon sa pagpakita sa iyang kalibre sa kampiyonato ug nalimitahan lang sa duha ka turnovers samtang naka-bulsa usab og usa ka steal.
Samtang, ang Boston ug Dallas Mavericks nagsangka niadtong Marso 7, diin ang 2024 NBA champion milabaw sa score pinaagi sa 48% shooting performance.
Gipugngan sa Boston ang Dallas sa katapusang tulo ka quarters sa duwa ug natapos sa paghatag sa Mavs og 20-point nga kapildihan, sa iskor nga 120-100.
Nangulo usab ang kanhi Finals MVP nga si Jaylen Brown sa Boston nga adunay 24 puntos, pito ka rebounds, pito ka assists, ug duha ka steals.
Ang upat ka higayon nga NBA champion nga si Klay Thompson naka-19 puntos sa kapildihan sa Mavs. Si Thompson nakahimo og lima ka 3-pointers samtang nagduwa isip reserve forward.
Kini ang ika-42 nga daog sa Boston karong season samtang ang ilang kapildihan nagpabilin sa 21.
