MANILA-Giaprobahan na sa House Committee on Ways and Means nga gipangulohan ni Albay Rep. Joey Salceda ang gisugyot nga tax exemptions alang sa mga donasyon sa mga national athletes nga mosalmot sa international sports competition.
Matod ni Salceda, ang nasangpit nga proposal kinahanglan usab nga ipangalan sa Filipino gymnast nga si Carlos Yulo, ang unang Olympian nga nakadaog og sunodsunod nga gold medals.
Sa iyang sponsorship remarks sa nasangpit nga proposal, gipasiugda ni Salceda ang 12-anyos nga si Carlos Yulo kinsa nihatag og interbyu nga ang iyang pangandoy mao lang ang makadaog og bulawang medalya sa Olympics alang sa Pilipinas ug migugol siya og kapin sa usa ka dekada una makuha ang bulawan nga medalya.
Gisang-at ni Salceda ang House Bill No. 421, nga nag-aprobar sa “Hidilyn Diaz Law” sa 18th Congress apan wala kini makapasar sa Senado.
Ang maong balaudnon nag-exempt sa mga premyo nga gihatag sa mga brand ug kompanya human kini makadaog.
Importante usab nga adunay tax exemptions sa mga donasyon sa ilang mga training usa ka tuig sa dili pa ang kompetisyon.
Giaprobahan usab sa komite ang paghimo sa exemption retroactive.//
Gawas sa pag-exempt sa mga donasyon usa ka tuig sa dili pa ang petsa sa kompetisyon, gisugyot usab ni Salceda nga ang mga donasyon pinaagi sa Philippine Sports Commission o Philippine Olympic Committee i-exempt sa mga donasyon bisan unsa pa ang oras.
TAGS Carlos Yulo House of Representatives Paris 2024 olympics Rep. Joey Salceda tax exemptions for carlos yulo prize Trending ways and means
