Midonar ang global superstar nga si Taylor Swift og kapin sa P117 milyon sa mga charitable organizations lakip na ang Feeding America, ang American Heart Association, ug MusiCares, nga silang tanan nagpamatuod sa iyang mga kontribusyon atol sa pagsugat sa Pasko.
Ang Feeding America, ang pinakadako nga non-profit nga organisasyon sa pagtabang sa kagutom sa U.S., pinaagi sa Instagram, nag-post ang CEO niini nga si Claire Babineaux-Fontenot nga nagpahayag sa ilang pasalamat sa donasyon ni Taylor.
Matud niini nga dako ang ilang pasalamat sa padayon nga suporta gikan kang Swift aron mapadayon ang usa ka imposible nga pagkahiusa sa pakigbisog sa mga hilabihang nanginahanglan.
Nakadawat usab ang American Heart Association og $1 milyon gikan ni Taylor, usa ka donasyon nga gihimo agi’g pasidungog sa iyang amahan, si Scott Swift.
Niadtong Agosto, gihisgutan ni Taylor ang quintuple bypass surgery sa iyang amahan atol sa iyang debut sa podcast sa iyang fiancé nga si Travis Kelce.
