Gilauman nga masulbad karong adlawa, Nobyembre 30, ang mga teknikal nga isyu sa pipila ka mga modelo sa eroplano sa Airbus nga miresulta sa pagkanselar ug pagkalangan sa pipila ka mga domestic flight sa Pilipinas, sumala sa Air Carriers Association of the Philippines (ACAP) niadtong Sabado, Nobyembre 29.
Kini nahitabo human ang Airbus nagpagawas og teknikal nga advisory alang sa pipila sa mga modelo sa Airbus models nga maoang A320/A31, nga miagi sa usa ka software update.
Ang executive director sa ACAP nga si Jose Enriquez Perez de Tagle nagtaho nga 50% sa mga apektadong eroplano ang nakakompleto sa ilang mga software update. Miingon siya nga ang usa ka eroplano nagkinahanglan og duha ka oras aron makompleto ang software upgrade o update niini.
Sa sayo pa, si Transportation Secretary Giovanni Lopez miingon nga mga 75 ka eroplano ang naapektuhan sa software update, nga miresulta sa pagkanselar sa 78 ka mga domestic flight ug pagkalangan sa ubang mga flight.
Sumala sa executive director sa ACAP, nga pipila ka oras gikan karon, ang mga nakanselar nga operasyon sa mga airline hinay-hinay nga mabalik.
Samtang, kung makompleto na ang software update, ang mga airline kinahanglan nga mosumiter og compliance report bahin sa airworthiness sa eroplano aron mahatagan og clearance nga molupad pag-usab.
