Nakugang ang usa ka buntis nga teenager sa dihang nakita niini ang usa ka nawng sa alien atol sa iyang ultrasound.
Si Sophie Scott ,16 anyos ang nagpa-ultrasound kauban ang iyang hinigugma nga si Stephen Roberts, 24 anyos para masuta kung unsa ang gender sa ilang baby. Apan atol sa ultrasound, nabantayan ni Roberts nga dunay naporma nga ulo nga sama sa alien sa monitor sa ultrasound equipment.
Nagkanayon usab si Sophie nga duna kini ex-boyfriend nga mitoo og mga alien ug basin nga gisumpa sila niini. Nahadlok usab kini nga basin kan-on ang iyang anak sa maong alien.
Apan gikataw-an na lamang matud pa kini sa duha apan nabalaka usab tungod kay wala may maka-isplikar kanila kung nganu nga dunay hulagway nga sama niadto nga ilang nakita.
Nagkomedya pa si Sophie sa dihang nasuta nga baby girl ang iyang gisabak nga unta dili kini mugawas sa halloween.
