CEBU – Mas nisamot kainit ang tensyon tali sa Russia og Ukraine human nihatag na og kamandoan si Russian Vladymir Putin sa pagpahigayon og usa ka special militry mission sa nasod nga Ukraine.
Gumikan niini, mas nisamot ang kagubot, aduna nay mga pagbuto nga madunggan sa pipila ka syudad sa Ukraine ug aduna na usay natala nga mga casualties.
Subay niini, eksklusibong gikahinabi sa Bombo Radyo Cebu si Maam Mariz Lagunoy Besas, usa ka OFW ug Bombo International News Correspondent sa Kyiv, ang Capital City sa Ukraine, aron kumustahon ang ilahang sitwasyon.
Gibutyag ni Besas nga dili pa stable ang ilahang sitwasyon gumikan gipabuthan na sa Russia ang international airport sa Kyiv City aron pugngan ang bisan kinsang mosulod sa maong syudad sa Ukraine.
Matod pa ni Besas nga nagdeklarar na og martial law ug state of emergency ang nasod ug nagdali na sila sa paghawa sa lugar gumikan dugay silang napahibaw nga paapilon na sila sa mga nangrescue.
Gibutyag usab niini nga nisamot kalisud ang ilahang sitwasyon ilabi na nga nagpositibo kini sa Omicron, variant sa Covid-19 apan gitino niini nga wala ra usab kini gipamati hinungdan nga nakasenlar ang flight niini sa miaging adlaw gipun-an pa nga gibombahan sa Russia ang airport sa Kyiv.
Nanawagan nalang kini sa ubang agency sa mga Pinoy nga makig-alayon sa mga employer nga anaa sa Ukraine aron tugotan nga makapahawa ang mga Pinoy kini gumikan adunay pipila ka mga OFW’s ang gipugngan nga mobiya sa nasod og mopauli sa Pilipinas.
