CEBU – Dako ang kalipay sa kadagkuan sa Technical Education And Skills Development Authority (TESDA 7) ang pag-abli sa laing duha ka mga training centers sa probinsiya sa Sugbo.
Kini ang mga training center sa lungsod sa Tuburan ug syudad sa Naga, butang nga mikabat na sa 10 ka mga pasilidad sa TESDA ang na-ablihan sa probinsiya.
Gihangop usab kini sa mga nagkadaiyang Local Government Units (LGUs), diin mipasalig si Tuburan Mayor Aljun Diamante nga kung ugaling hingpit nang maka-operate ang ilahang TESDA training center kay makagamit usab lakip na ang mga taga kasikbit nga LGU.
Ang naasoy nga proyekto sa Kapitolyo kauban ang TESDA 7 kay gitukod sa nakalabay nga administrasyon apan dako ang pasalamat sa mga lungsoranon human nga gipadayon kini ni Governor Gwendolyn Garcia, alang sa paghatag ug kahigayonan sa mga kabatan-onan nga mapalambo ang ilahang mga ‘skills’ ug adunay dakong tsansa nga maka-trabaho sa gawas sa nasud.
