Gikutlo sa House prosecution panel ang giingong parehas nga mga tubag sa kanhi OVP special disbursing officer nga si Gina Acosta ug OVP Assistant Secretary Lemuel Ortonio bahin sa isyu sa paggamit sa confidential funds ni Bise Presidente Sara Duterte.
Sumala ni kanhi Surigao del Norte Rep. Ace Barbers, parehong gitudlo ni Acosta ug Ortonio si Colonel Raymund Dante Lachica sa dihang gipangutana bahin sa pagpatuman sa confidential funds.
Miingon si Acosta nga iyang gihatag kang Lachica ang kwarta human siya gitahasan sa pagpahigayon sa confidential activities.
Samtang, si Ortonio miingon nga ang iyang kasayuran sa ground operations ug ang mga tubag sa OVP sa Commission on Audit gikan usab kang Lachica.
Gideklarar sila si Acosta ug Ortonio nga hostile witnesses sa Senate impeachment court.
Diin, giinsistir ni Barbers nga ang testimonya ni Acosta gipalig-on tungod kay gisuportahan kini sa pahayag ni Ortonio.
Gipangutana usab niya kung nganong gisalig ang confidential funds kang Lachica kung dili man siya usa ka special disbursing officer o usa ka bonded accountable officer.
Sumala sa prosekusyon, aduna pa silay ubang mga saksi ug mga dokumento nga ipresentar samtang nagpadayon ang impeachment trial.
