Gikompirmar sa kagamhanan sa Timor-Leste nga gikatakdang i-deport sa Pilipinas ang napalagpot nga kongresista nga si Arnolfo Teves Jr.
Sumala sa gobyerno sa Timor-Leste, ang presensya ni Teves nagrepresentar sa usa ka seryoso ug dili madawat nga sitwasyon.
Gidugang niini, nga kini usab makadaot sa bilateral nga relasyon tali sa Pilipinas ug Timor-Leste.
Una na nga nagpalambo ang Timor-Leste na og dili maayo nga imahe tungod kay kini usa ka dangpanan sa mga indibidwal nga makalikay sa internasyonal nga hustisya, nga nagpahuyang sa ilang integridad sulod sa ilang mga utlanan ug sa ilang pakigbatok sa transnational nga mga krimen.
Ang desisyon sa gobyerno sa Timor-Leste nga i-deport si Teves sa Pilipinas usa ka administratibong lakang sa ilang Ministry of Interior tungod kay si Teves walay tukmang legal nga pagtugot human makanselar ang iyang pasaporte.
Gidugang sa gobyerno sa Timor-Leste nga tungod sa krimen nga nahimo ni Teves sa Pilipinas, gidid-an siya sa pagsulod sa ilang nasud sulod sa 10 ka tuig base sa ilang migration ug asylum law.
Kahinumduman nga si Teves ang gipasanginlan nga utok sa pagpatay kang Negros Oriental Governor Roel Degamo ug gipasanginlan usab nga nagpaluyo sa daghang krimen sa nasangpit nga lugar.
